APA-nın xəbərinə görə, bunu Səhiyyə Nazirliyinin Hamiləlik, doğuş və zahılıq dövrlərində ölüm, mamalıq ağırlaşmaları hallarının təhlili üzrə Komissiyanın sədri Leyla Rzaquliyeva deyib.
O bildirib ki, bu il baş verən ana ölümlərindən üçü tam araşdırılıb: “Digər üç ana ölümü isə hələ Komissiyadan keçməyib. Anatomik-pataloji nəticələri gözləyirik. Onlardan bir neçəsi mütəmadi nəzarətdə olmayıb. Həkimə gec müraciət ediblər. Digər tərəfdən də lazımsız müalicə alıblar. Problem də inkişaf edəndə kömək etmək mümkün olmur”.
L. Rzaquliyeva qeyd edib ki, Azərbaycanda ana ölümləri ildən-ilə azalır: “Düzdür, ana ölümlərində həkim səhvləri də var. Amma qadınların, onların ailə üzvlərinin də səhvləri olur. Əgər 3 ölüm faktı varsa, 300 isə kritik vəziyyətdən çıxan analarımız var. Hazırda kritik vəziyyətləri öyrənən Komissiyanın yaradılması istiqamətində iş aparılır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
