Bakı. Türbət Bağırova - APA. Çexiyada məktəbliləri daşıyan avtobusun aşması nəticəsində 40 nəfər, o cümlədən 36 uşaq xəsarət alıb.
APA-nın “RİA Novosti” agentliyinə istinadən verdiyi xəbərə görə, bu barədə dövlət televiziyası məlumat yayıb.
Bildirilir ki, yol qəzası paytaxt Praqadan 50 km şimal-qərbdə buzlu yolda baş verib. Yol qəzasına əlverişsiz hava şəraitində avtobusun yüksək surətlə hərəkət etməsi səbəb olub.