Bakı-APA. Malidə törədilən iki terror aktı nəticəsində 4 BMT sülhməramlısı öldürülüb.
APA-nın TASS agentliyinə istinadən verdiyi məlumata görə, Qao şəhərində sülhməramlıların yerləşdiyi bazanın yaxınlığında törədilən partlayış zamanı Çin hərbçisi ölüb.
Bundan sonra silahlılar BMT-nin minalardan təmizlənmə xidmətinə hücum edərək 3 nəfəri qətlə yetiriblər. Onlardan birinin Fransa vətəndaşı olduğu bildirilir.
Terror aktlarına görə məsuliyyəti “Əl-Qaidə Maqrib ölkələrində” terror qruplaşması öz üzərinə götürüb.
Qeyd edək ki, BMT Təhlükəsizlik Şurasının qərarı ilə Malidə 11 min BMT sülhməramlısı yerləşdirilib.