Bakı. Şəhriyar Əlizadə - APA. Daşkəsəndə ölümlə nəticələnən yol-nəqliyyat hadisəsi baş verib.
APA-nın DİN-in saytına istinadən verdiyi məlumata görə, martın 1-də saat 13 radələrində Daşkəsən şəhərində şəhər sakini İlqar İmamverdiyev “VAZ-2121” markalı avtomobili idarə edərkən qonşusu Ümid Vahabzadəni vurub. Ü.Vahabzadə xəstəxanaya aparılarkən yolda ölüb.
Daşkəsən RPŞ tərəfindən araşdırma aparılır.
APA-nın qərb bürosu xəbər verir ki, ölən Ü. Vahabzadənin 6 yaşı var. 1982-ci il təvəllüdlü rayon sakini İlqar İmamverdiyev idarə etdiyi “VAZ-2121” markalı avtomobillə geriyə doğru hərəkət edərkən qonşusu, 2010-cu il təvəllüdlü Ü. Vahabzadəni vurub. Xəsarət alan uşaq xəstəxanaya aparılarkən yolda vəfat edib.