Bakı-APA. İraq Xarici İşlər Nazirliyi Səudiyyə Ərəbistanından Bağdaddakı səfiri Tamer əs-Sabahı dəyişməsini xahiş edib.
APA-nın “Reuters” agentliyinə istinadən verdiyi məlumata görə, rəsmi Bağdad bu xahişini səfirin sərt bəyanatları ilə əlaqələndirib.
İraqın şiə siyasətçiləri uzun müddətdir ki, Tamer əs-Sabahın İranın İraqda fəaliyyəti barədə bəyanatlarından narazıdırlar. Səfir İranın dəstəklədiyi iraqlı şiə döyüşçülərin sünnilərə münasibətdə sərt davrandığını, vəziyyəti gərginləşdirdiyini bildirir.
Tamer əs-Sabah Səudiyyə Ərəbistanının İraqdakı səfirliyi fəaliyyətə başladıqdan sonra təyin etdiyi ilk səfirdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
