Ukrayna yaxın həftələrdə əks hücuma hazırlaşır.
APA-nın məlumatına görə, bunu ABŞ-ın dövlət katibi Entoni Blinken “Fox News” telekanalının jurnalisti Ben Xola müsahibəsi zamanı deyib.
Blinken Rusiya Federasiyasının planlarının artıq iflasa uğradığını vurğulayaraq Ukraynanın gələcək əks-hücumunun inkişafını yaxından izləməyə çağırıb.
“Rusiya artıq o mənada uğursuzluğa düçar olub ki, onların ilkin niyyətləri Ukraynanı xəritədən silmək, Rusiyaya tabe etmək, müstəqil dövlət kimi məhv etmək olub. Uğursuz oldu və müvəffəq olmadı. Biz bilirik ki, ukraynalılar yaxın həftələrdə əks-hücum planlaşdırır. Gəlin görək nə baş verir. Axı onların döyüş meydanındakı uğurları ədalətli və davamlı sülhü təmin edəcək danışıqlara aparan ən yaxşı və bəlkə də ən sürətli yoldur”, - Blinken bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
