ABŞ Konqresinin Nümayəndələr Palatası “MQ-9 Reaper” pilotsuz uçuş aparatının (PUA) Qara dənizə düşməsi ilə bağlı Rusiyaya qarşı olan qətnaməni təsdiqləyib.
APA xəbər verir ki, bu barədə "RİA Novosti" məlumat yayıb.
Qətnamə yekdilliklə qəbul edilib.
410 konqresmen onun lehinə səs verib.
Sənədin müəllifləri respublikaçı Brandon Uilliams və demokrat Cim Kostedir.
Qətnamənin mətnində Rusiya hərbçilərinə aid edilən “ehtiyatsız hərəkətlər” pislənilir və Birləşmiş Ştatların Qara dənizin beynəlxalq hava məkanında öz PUA-larının istifadəsindən imtina etmək niyyətində olmadığı vurğulanır.
Xatırladaq ki, ötən ay Rusiya qırıcı təyyarəsi Qara dəniz üzərində ABŞ-a məxsus dronla toqquşub.
Bildirilib ki, Rusiyaya məxsus iki qırıcı təyyarə beynəlxalq hava məkanında gündəlik missiyasında olan ABŞ dronunun qarşısını kəsməyə çalışıb.
ABŞ-ın Avropa komandanlığının məlumatında bildirilib ki, “rusların təhlükəli və qeyri-peşəkar davranışları” dronla qırıcı təyyarələrdən birinin toqquşmasına səbəb olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
