ABŞ-ın Ukraynaya kasetli sursatlar tədarük etməsi müvəqqəti xarakter daşıyır.
APA CNN-ə istinadən xəbər verir ki, bu barədə ABŞ Prezidentinin milli təhlükəsizlik məsələləri üzrə müşaviri Ceyk Sallivan jurnalistlərə açıqlamasında bildirib.
O qeyd edib ki, Prezident Co Baydenin Ukraynaya kasetli sursatlar göndərilməsi qərarı müvəqqəti tədbirdir və bir neçə ay - Ukrayna sursat boşluğunu doldurana qədər davam edəcək. Sallivan əlavə edib ki, ABŞ-ın tədarük etdiyi və digər müttəfiqlərdən əldə edərək Kiyevə göndərdiyi ənənəvi döyüş sursatları ehtiyatları azalır.
O vurğulayıb ki, ABŞ çətin seçim qarşısında qalıb və Ukraynanın sursatsız qalacağı təqdirdə üzləşə biləcəyi mülki itki risklərinin kasetli sursatların yaradacağı mülki risklərindən daha böyük olduğu üçün bu qərarı qəbul edib. Ceyk Sallivan ABŞ-ın Ukraynanı müdafiəsiz qoymağa hazır olmadığını qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
