ABŞ Prezidenti Co Bayden Çin Sədri Si Cinpinlə görüşə biləcəyini bildirib.
APA xəbər verir ki, bu barədə o, Ağ Evdə jurnalistlərə müsahibəsində bildirib.
O, bu görüşün noyabrda San-Fransiskoda Asiya-Sakit Okean İqtisadi Əməkdaşlıq sammiti çərçivəsində baş tuta biləcəyini bildirib.
"Belə bir görüş hələ təşkil edilməyib. Amma bu mümkündür", - Bayden deyib.
Bu məsələ ilə bağlı ABŞ lideri əlavə şərh verməyib.
Noyabrın 15-17-də San-Fransiskoda Asiya-Sakit Okean İqtisadi Əməkdaşlıq sammitinin keçirilməsi planlaşdırılır.
Təkbətək görüş baş tutsa, 2022-ci ilin noyabrında İndoneziyada keçiriləcən G20 sammiti çərçivəsindəki danışıqlardan sonra ilk görüş olacaq.