ABŞ Prezidenti Co Bayden Şimali İrlandiya və İrlandiya Respublikasına səfəri çərçivəsində bu gün Belfastda çıxış edib. O, Yaxşı Cümə Sazişinin (Good Friday Agreement) 25-ci ildönümünü qeyd etmək üçün bu ölkələrə 4 günlük səfər edib.
APA-nın Britaniya bürosunun xəbərinə görə, ABŞ Prezidenti Şimali İrlandiyanın Olster Universitetində çıxış edib. O, çıxışına 1991-ci ildəki son səfərini xatırlamaqla başlayıb.
Prezident qeyd edib ki, ABŞ-da Şimali İrlandiyada baş verənlərlə maraqlanan çox böyük bir icma var:
“Sülhün və “Yaxşı Cümə Sazişi”nin qorunması Birləşmiş Ştatlarda Demokratlar və Respublikaçılar üçün prioritetdir və bu, bu gün də belədir”,- deyə o, bildirib.
Qeyd edək ki, Yaxşı Cümə Sazişi və ya Belfast Müqaviləsi 10 aprel 1998-ci ildə imzalanmış və Şimali İrlandiyada 1960-cı illərin sonlarından bəri hökm sürən etno-millətçi qarşıdurmaya son qoyan sazişdir. Bu, 1990-cı illərdə Şimali İrlandiya sülh prosesində böyük inkişaf hesab edilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
