ABŞ dövlət katibi Entoni Blinken bildirib ki, onun ölkəsi İsrail-HAMAS müharibəsində digər cəbhələrin açılmamasında qərarlıdır.
APA xəbər verir ki, bu barədə dövlət katibi Blinken İsrailə səfərinin yekununda mətbuat brifinqində deyib.
"Hizbullah"la, Livanla və İranla bağlı biz başlanğıcdan bildirmişik ki, bu münaqişədə ikinci və ya üçüncü cəbhənin açılmamasında qərarlıyıq", - Blinken əlavə edib.
Blinken xatırladıb ki, müharibənin ilk günündən Prezident Bayden vəziyyətdən istifadə edib yeni münaqişə cəbhələri açmaq istəyənlərə bunu etməməklə bağlı xəbərdarlıq edib.
ABŞ dövlət katibi vurğulayıb ki, onun ölkəsi bu istiqamətdə regiondakı ölkələrlə diplomatik səviyyədə işləyir, həmçinin, praktiki addımlar atıb, regiona iki ədəd hərbi təyyarə göndərib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
