BMT Ukraynada münaqişənin beynəlxalq hüququn müddəalarına uyğun olaraq sona çatmasını istəyərdi.
APA TASS agentliyinə istinadla xəbər verir ki, bu barədə BMT Baş katibinin sözçüsü Stefan Dyujarrik Qərbin bir sıra ölkələrinin F-16 qırıcılarını Kiyevə təhvil vermək niyyətini şərh edərkən söyləyib.
“Bizim məqsədimiz BMT Nizamnaməsinə, beynəlxalq hüquqa və müvafiq qətnamələrə uyğun olaraq bu münaqişənin sona çatmasını görməkdir”, - deyə Stefan Dyujarrik bildirib.
Mayın 21-də ABŞ Prezidenti Cozef Bayden Xirosimada G-7 sammitinin yekunları üzrə mətbuat konfransında Qərbin ukraynalı pilotların dördüncü nəsil qırıcılardan, o cümlədən F-16-dan istifadə edə bilməsi üçün onlara təlim keçiriləcəyini söyləyib.
Habelə Amerika liderinin milli təhlükəsizlik üzrə köməkçisi Ceyk Sullivan deyib ki, Vaşinqton hansı dövlətlərin Kiyevə F-16 təyyarələrini verəcəyi məsələsini yaxın aylarda məsləkdaşları ilə müzakirə edəcək. O xatırladıb ki, ABŞ administrasiyasına görə, bu qırıcılar Qərbin Ukraynanı əks-hücuma hazırlamaq üçün prioritet tədarüklər siyahısına daxil edilməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
