Kanada hakimiyyəti Sudanda vəziyyətinin pisləşməsi ilə əlaqədar öz vətəndaşlarının hava ilə təxliyəsini dayandırıb.
APA-nın xəbərinə görə, bu barədə bazar günü ölkənin milli müdafiə naziri Anita Anand məlumat verib.
“Təhlükəli və qeyri-sabit vəziyyətə görə evakuasiya üçün pəncərə bağlanır”, - nazir bildirib.
Onun sözlərinə görə, Kanada Hərbi Hava Qüvvələri son üç gündə altı uçuş həyata keçirib. Təxliyə olunan 550 nəfərin 400-ə qədəri kanadalı, qalanları isə digər ölkələrin vətəndaşları olub.