İranda ağır yol-nəqliyyat hadisəsi baş verib.
APA-nın Tehran bürosunun məlumatına görə, ötən gecə İranşəhr-Bəm yolunda minik avtomobili yük maşınının toqquşması nəticəsində 5 nəfər ölüb, 1 nəfər xəsarət alıb.
Xəsarət alan şəxsin vəziyyəti ağırdır, o, İranşəhrin xəstəxanasına yerləşdirilib.
Qeyd edək ki, İranşəhr-Bəm maqistral yolu İranın cənub-şərq bölgəsində ən çox qəza baş verən yollardan biridir.