"İtaliya Azərbaycanın əsas ticarət tərəfdaşıdır".
“APA-Economics”in məlumatına görə, bunu Azərbaycanın iqtisadiyyat nazirinin müavini Rüfət Məmmədov bu gün keçirilən Azərbaycan-İtaliya dəyirmi masalarında çıxış edərkən deyib.
Onun sözlərinə görə, bu gün Azərbaycanda bir çox İtaliya şirkət uğurla fəaliyyət göstərir: “İtaliya Azərbaycana neft, qeyri-neft, rabitə-texnologiya, kənd təsərrüfatı sektorlarına investisiya yatırıb. Bu gün Azərbaycanda 100 yaxın İtaliya şirkəti fəaliyyət göstərir”.
Nazir müavini deyib ki, Azərbaycan da İtaliyaya bir çox sahələrdə investisiya yatırıb: "İnanıram ki, bu gün keçirilən dəyirmi masalar iki ölkənin iş adamları arasında əlaqələri daha da genişləndirəcək”.
R. Məmmədov deyib ki, iki ölkə arasında energetika sahəsində çox geniş əməkdaşlıq mövcuddur: "Azərbaycan indiyədək İtaliyaya 140 milyon dollar dəyərində investisiya yatırıb. İtaliya şirkətləri Azərbaycana bu zamana qədər 500 milyon dollar investisiya yatırıb. Hər iki ölkə iqtisadi əməkdaşlığı genişləndirməkdə maraqlıdır".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
