Bakı-Qazax magistral avtomobil yolunda ağır yol-nəqliyyat hadisəsi baş verib.
APA-nın qərb bürosunun məlumatına görə, Şəmkir rayonunun Könüllü kəndi ərazisindən keçən hissəsində “Mercedes” markalı minik avtomobili şəkər çuğunduru ilə yüklü olan “Shacman” markalı yük avtomobili ilə toqquşub.
Nəticədə iki nəfərin xəsarət alıb. Onlar Gəncədə yerləşən xəstəxanaların birinə aparılıb.
Faktla bağlı Baş Dövlət Yol Polisi İdarəsində araşdırma aparılır.