ABŞ-ın Tennessi ştatında sentyabrın 30-da 50 yaşlı Krista Paykın ölümcül inyeksiya yolu ilə edam edilməsi planlaşdırılır.
Xarici medianın məlumatına görə, hökm icra olunarsa, o, ştatda 200 ildən artıq müddətdə edam edilən ilk qadın olacaq.
Edamın yerli vaxtla saat 10:00-da Neşvildəki xüsusi rejimli həbsxanada həyata keçirilməsi nəzərdə tutulur.
Payk 1995-ci ildə cinayət törədərkən 18 yaşında olub. O, 19 yaşlı Kollin Slemmerin qətlində təqsirli bilinərək ölüm cəzasına məhkum edilib. Məhkəmə materiallarına əsasən, cinayətdə Paykla yanaşı digər şəxslər də iştirak edib.
Tennessi qubernatoru Bill Li Paykın əfv olunması ilə bağlı müraciəti təmin etməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
