APA-nın “Miliyyet” qəzetinə istinadən verdiyi məlumata görə, terrorçular Van-Başkalə yolu üzərindəki Bebleşin Jandarm Mərkəzinə partlayıcı quraşdırılmış avtomobillə hücum ediblər.
Müxtəlif silahlarla atəş açan terrorçulara hüquq-mühafizə orqanı əməkdaşları dərhal cavab veriblər. Terrorçular xeyli miqdarda partlayıcı maddə olan avtomobili jandarm mərkəzində partlatmağa nail olmayıblar.
Hadisə nəticəsində bir PKK-çı məhv edilib. Qəlpələrin kənara sıçraması nəticəsində dörd nəfər xəsarət alıb.
Daha bir hücum isə sərnişin avtobusuna edilib. İrana məxsus dövlət nömrə-nişanlı avtobusa Çaldıran-Doğubayazıt yolunda hücum edildiyi bildirilrir. Hadisə nəticəsində 4 nəfər yaralanıb. Onlar dərhal xəstəxanaya aparılıblar. Hadisəni törədən şəxslərin tutulması üçün xüsusi əməliyyat başlayıb.