ABŞ Məxfi Xidməti prezidentliyə namizəd Donald Trampın olduğu yerin yaxınlığında baş verən atışma hadisəsini araşdırır.
APA xəbər verir ki, bir müddət əvvəl eks-prezidentin oğlu internetdə Trampın qolf klubunun yaxınlığında, atışmanın baş verdiyi yerə yaxın AK-47 avtomat silahının tapıldığı və şübhəlinin saxlanıldığı barədə məlumat yayıb.
“New York Post” isə Trampın qolf klubunun qarşısında iki nəfərin bir-birinə atəş açdığını və eks-prezidentin hədəf olmadığını yazıb.
Qeyd edək ki, Daha əvvəl konqresmen Teylor Qrin ABŞ prezidentliyinə namizəd Donald Trampa qarşı növbəti sui-qəsd edildiyini, onun sağ-salamat olduğunu bildirmişdi.
“The New York Post” isə mənbələrə istinadən Trampın həmin vaxt “West Palm Beach”dəki qolf klubundan çıxdığını yazır.
***
23:10
Trampa qarşı növbəti sui-qəsd cəhdi olub. Bu barədə konqresmen Teylor-Qrin məlumat verib və onun seçki qərargahı Trampın yaxınlığında atışma olduğunu bildirib.
APA xəbər verir ki, “New York Post”un yaydığı məlumata görə Məxfi Xidmət Donald Tramp “West Palm Beach”də qolf klubundan çıxarkən onun yaxınlığında baş verən atışmaya cavab verib.
Trampın qərargahı onun yaxınlığında atəş açıldığını, siyasətçinin özünün isə təhlükəsiz olduğunu bildirib.
***
22:54
ABŞ-da Respublikaçılar Partiyasından prezidentliyə namizəd Donald Trampa qarşı növbəti dəfə sui-qəsdə cəhd edilib.
APA xəbər verir ki, bu barədə konqresmen Taylor-Green məlumat yayıb. O Trampın sağ-salamat olduğunu deyib.
Məlumata görə Trampın Florida ştatındakı qolf klubunun qarşısında atışma baş verib.
İnsidentdən sonra Trampın seçki qərargahı onun xəsarət almadığını bildirib: “Tramp Florida qolf klubu yaxınlığında silahlı atışmadan sonra təhlükəsizdir”.
“Reuters” isə Trampın olduğu yerə yaxın ərazidə atışma baş verdiyi haqda məlumat yayıb.
Digər təfərrüatlar hələlik məlum deyil.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
