Ukrayna ABŞ-ın tədarük etdiyi kasetli sursatların istifadəsi ilə bağlı ilkin hesabatı bu həftə Vaşinqtona təqdim edəcək.
APA xəbər verir ki, bu barədə Ukraynanın müdafiə naziri Aleksey Reznikov “CNN” açıqlamasında deyib. O, bildirib ki, hazırda Ukrayna ordusundan sözügedən sursatın istifadəsinə dair hesabatı gözləyir və onu əldə edən kimi 24 və ya 25 iyul tarixində Pentaqonla bölüşəcək.
Reznikov kasetli bombaların normal silahlardan daha effektiv olacaqlarına inandığını qeyd edib.