Almaniya kansleri Angela Merkel Berlində yük maşınının Milad yarmarkasında insanları əzməsi hadisəsini terror aktı adlandırıb.
APA-nın “Reuters”-ə istinadən yaydığı məlumata görə, hadisədə təqsirli bilinənlərin cəzalandırılacağını deyib.
“Hazırda araşdırma aparılır. Hadisəni törədən Almaniyada sığınacaq almış qaçqındırsa, o zaman bu, bizim üçün daha ağırdır. Çünki sığınacaq verdiyimiz, kömək etdiyimiz insan bizə qarşı bunu etmiş sayılır” – deyə, Merkel əlavə edib.
Qeyd edək ki, dekabrın 19-da Pakistan əsilli, 1993-cü il təvəllüdlü Naved B. idarə etdiyi yük avtomobilini Berlində Milad yarmarkasındakı insanların üzərinə sürüb. Nəticədə 12 nəfər ölüb, 48 nəfər xəsarət alıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
