MN: Guya Azərbaycan tərəfində vuruşan türkiyəli təlimatçının öldürülməsi haqqında məlumat erməni fantaziyasının məhsuludur

MN: Guya Azərbaycan tərəfində vuruşan türkiyəli təlimatçının öldürülməsi haqqında məlumat erməni fantaziyasının məhsuludur
# 06 mart 2015 14:04 (UTC +04:00)

Bakı. Ağa Cəfərli - APA. “Guya Azərbaycan tərəfində vuruşan bir türkiyəli təlimatçının cəbhədə öldürülməsi haqqında Ermənistan mətbuatının yaydığı məlumat erməni fantaziyasının məhsuludur”.

Bu barədə APA-ya Müdafiə Nazirliyinin Mətbuat Xidmətindən sorğuya cavab olaraq deyilib.

“Öz ərazisini qorumaq iqtidarında olmayan Ermənistandan və onun ordusundan fərqli olaraq Silahlı Qüvvələrimizdə ancaq Azərbaycan vətəndaşları qulluq edir.

Azərbaycan Ordusunun əsgər və zabitinin bacarığı, təcrübəsi və peşəkarlığı imkan verir ki, düşmənin istənilən təxribatının qarşısı vaxtında və qətiyyətlə alınsın.

Ermənilərin gün ərzində cəbhədəki vəziyyətlə bağlı yalan məlumatlar yayması öz itkilərini gizlətmək cəhdi və Azərbaycan Ordusunun ötən gecə düşmənə həddən artıq ağır zərbə vurmasının nəticəsidir”, - deyə mətbuat xidmətindən bildirilib.

#
#

ƏMƏLİYYAT İCRA OLUNUR