APA-nın məlumatına görə, tədbirdə çıxış edən DSX Akademiyasının rəisi Araz Məmmədov xatırladıb ki, 2007-ci ildə akademiyanın yaradılması barədə qərar qəbul edilib: “Bu gün üç leytenant akademiyanı fərqlənmə ilə bitirib. Akademiya peşəkar kadrlar yetişdirir”.
DSX-nın rəisi Elçin Quliyev isə məzunları və onların ailə üzvlərini təbrik edib: “Əminəm ki, məzunlar Azərbaycanın sərhədlərinin mühafizəsi işində öz töhfələrini verəcəklər”.
E. Quliyev bildirib ki, 2014-cü ilin birinci yarısında 2 yeni hərbi hissə təmir edilərək istifadəyə verilib: “Sərhəd xidmətində tikinti-quruculuq işləri ilə yanaşı, müasir silah, texnika, uçuş vasitələri ilə təminat yüksələn xətt üzrə gedir ”.