Bakı. Anaxanım Hidayətova – APA. ABŞ dövlət katibi Con Kerri və Rusiyanın xarici işlər naziri Sergey Lavrov arasında telefon danışığı olub.
APA-nın Rusiya XİN-in mətbuat xidmətinə istinadən xəbərinə görə, ABŞ-ın təşəbbüsü ilə baş tutan telefon danışığında tərəflər Suriya ətrafındakı vəziyyəti müzakirə ediblər.
Nazir və dövlət katibi əlaqələri davam etdirmək, o cümlədən yaxın günlərdə görüşərək Suriyanın kimyəvi silahlarının beynəlxalq nəzarətə verilməsi təşəbbüsünün reallaşdırılması imkanlarını müzakirə etmək barədə razılığa gəliblər.