Bakı. Rəşad Süleymanov – APA. Ermənistan 2011-2012-ci illərdə Rusiyadan müxtəlif çaplı snayper tüfəngləri satın alıb. APA-nın xəbərinə görə, bu barədə Moskvada keçirilən İNTERPOLİTEX-2013 sərgisinə qatılan Rusiya müəssisələrindən məlumat əldə olunub.
Azərbaycan tərəfinin apardığı dəqiqləşdirmələr zamanı bəlli olub ki, snayper tüfənglərinin satışı Ermənistanda fəaliyyət göstərən “Aspar Arms” şirkəti ilə əməkdaşlıq çərçivəsində həyata keçirilib. Bu ölkəyə qeyd olunan illərdə açıqlanmayan sayda 9 mm çaplı “Vintorez”, SV-98, “Kord” və OSV-96 tipli standart və iri çaplı snayper tüfəngləri çatdırılıb.
Bununla yanaşı, 2011-ci ildə Ermənistan Rusiyadan “Kalaşnikov” avtomatının təkmilləşdirilmiş versiyasının istehsalına dair lisenziya alıb. Artıq bu silahların Ermənistanda istehsalı texnologiyası qurulub və sifariş üzrə üzərində təkmilləşdirilmə işləri aparılmış “Kalaşnikov” avtomatının Ermənistanda AS-300 indeks ilə seriyalı istehsalına başlanılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
