Bakı – APA. Bağdadda hərbi-çağırış məntəqəsində terrorçu-kamikadze özünü partladıb.
APA-nın “Reuters”ə istinadən verdiyi məlumata görə, terrok aktı nəticəsində 13 nəfər ölüb, 30-dan çox adam yaralanıb.
Partlayış İraq paytaxtının “Mutanna” aerodromunda baş verib. Həmin aerodromdan yalnız hərbçilər istifadə edir. Partlayıcı qurğu çağırışçıların sənədlərinin qəbulu zamanı işə düşüb.
Hələlik terror aktına görə heç bir qüvvə məsuliyyəti öz üzərinə götürməyib. Bəzi mətbu orqanları partlayışın “İraq və Levanta islam dövləti” adlı radikal dini qruplaşma tərəfindən törədildiyini ehtimal edir.