Avropa

Ana səhifə

Avropa

Türkiyədə mafiya üzvü olan 7 azərbaycanlı tutulub - VİDEO

Türkiyədə mafiya üzvü olan 7 azərbaycanlı tutulub - <span style="color: red;">VİDEO

11 iyun 2014 09:32 (UTC +04:00)

Bakı-APA. Türkiyədə 7 azərbaycanlı şəxs saxlanılıb. Onlar Türkiyə polisini öldürməkdə günahlandırılır.

APA TV-nin Türkiyənin "Hürriyət" qəzetinə istinadən xəbərinə görə, hadisə ötən gün Ədirnənin Keçmiş İstanbul küçəsində baş verib. Rusiya dövlət nömrə nişanlı avtomobildə olan bir qrup şəxslə Türkiyə nömrə nişanlı avtomobildə olan başqa bir qrup arasında silahlı qarşıdurma olub. Təsadüfən hadisə yerində olan və hadisəyə müdaxilə etmək istəyən Ədirnə Polis İdarəsinin polisi Hüseyn İmrak ürəyindən yaralanıb. Ədirnə Dövlət Xəstəxanasına çatdırılan Hüseyn İmrakı xilas etmək mümkün olmayıb. Hadisəylə bağlı Ədirnədə 7, Təkirdağın Çorlu rayonunda 6 və İstanbul Şişlidə 1 nəfər olmaq ümumilikdə 14 nəfər saxlanılıb. Saxlanılan azərbaycanlılar 39 yaşlı Ceyhun Əsgərov, 45 yaşlı Rövşən Əliyev, 31 yaşlı Elşən Babayev, 33 yaşlı Əlimüseyib Heydərov, 27 yaşlı Namiq Umudov, 38 yaşlı Miryazif Fəxrəddin və Qara Əliyevdir. 14 nəfərin hər biri tibbi müayinədən keçirib. "Haber3"-ün məlumatına görə, Hüseyn İmrakı vuran Azərbaycan əsilli şübhəli şəxs isə axtarışdadır. Ədirnə valisi Dursun Əli Şahin hadisəninin azərbaycanlı, rus və gürcü mafiya qruplarının hesablaşması olduğunu bildirib.