Bakı. Könül Kamilqızı - APA. Azərbaycan Milli Elmlər Akademiyası (AMEA) ölkədə elmi işlərin tərcümə edilməsi üçün xüsusi qrupun yaradılmasını təklif edir.
APA-nın xəbərinə görə, bu təkliflə çıxış edən AMEA-nın vitse-prezidenti Tofiq Nağıyev bildirib ki, Azərbaycan alimləri bir çox mövzularda maraqlı məqalələr, materiallar yazsalar da, onların rus, ingilis və xarici dillərə tərcüməsi olduqca zəif olur: “Xarici ekspertlər, mütəxəssislər həmin mətnə qiymət verəndə çox vaxt 1-ci, 2-ci cümlədən sonra onları başa düşmürlər. Bizdə material sözbəsöz tərcümə edilir. Amma bəzi sözlər tərcümə edildikdə başa düşülmür. Ona görə də tərcümə materiallarına çox mühüm fikir verilməlidir”.
T.nağıyev deyib ki, Elmin İnkişafı Fondu tərəfindən tərcüməçilər qrupu yaradılmalı və onlara əlavə qrantlar ayrılmalıdır ki, ki, tərcümə materialları da adekvat olsun: “Çox əfsuslar olsun ki, humanitar elm mütəxəssisləri materialları öz dilimizdə yazırlar, amma onların hətta rus dilinə tərcümə edilməsində çətinlik çəkirlər. Ona görə də biz hazırladığımız materialları özümüz yazıb oxuyuruq və bunları çatdıra bilmirik. Əgər problemləri dünya ictimaiyyətinə çatdırmasaq, həll edə bilmərik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
