Bakı. Aynur Əliyeva - APA-Economics. “Azərbaycandan Argentinaya birbaşa aviareyslər iki ölkə arasında turizm münasibətləri inkişaf etdikcə, baş tuta bilər”.
"APA-Economics"in məlumatına görə, bunu Argentinanı tanıtım məqsədilə təşkil olunmuş tədbirdə bu ölkənin Turizm Nazirliyinin nümayəndəsi Rodolfo Milesi bildirib.
Onun sözlərinə görə, Argentina sabah Bakıda keçiriləcək beynəlxalq turizm sərgisində ilk dəfə iştirak edəcək.
"Hamını bu sərgiyə dəvət edirik. Sərgidə ölkəmizin tarixi, təbiəti, milli geyimləri, milli mətbəxi, ölkəmizə məxsus adətlər, Argentina şərabları, ekoturizm, hətta dünyanın ən son nöqtəsinə qədər səyahət etmək imkanlarını təqdim edəcəyik", - deyə R. Milesi əlavə edib.
Qeyd edək ki, tədbirdə Argentinanın Turizm Nazirliyi ölkənin böyük turizm potensialına dair geniş təqdimat keçirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
