Bakı. Vahab Rzayev – APA-Economics. Azərbaycanın «PAŞA Həyat» sığorta şirkəti tərəfindən noyabrın 21-22-də müxtəlif KİV-lərdə çalışan jurnalistlər üçün (iqtisadiyyat və maliyyə sahəsində yazan) «Sığorta və sığorta mədəniyyəti» mövzusunda ödənişsiz treninq keçiriləcək.
Şirkətin ictimaiyyətlə əlaqələr xidmətindən «APA-Economics»ə verilən məlumata görə, «PAŞA Həyat» tərəfindən belə bir təlimin təşkil edilməsində əsas məqsəd iqtisadiyyat, o cümlədən maliyyə sahəsində məqalələr yazan jurnalistlərin sığorta sahəsinə olan maraqlarını, həmçinin bu sahədə bilik və bacarıqlarını daha da artırmaqdır.
Təlimdə iştirak etmək istəyən jurnalistlər noyabrın 18-dək [email protected] elektron ünvanına e-mail göndərməklə öz iştiraklarını təsdiq edə bilərlər. Təlimin sonunda iştirakçılara sertifikatlar təqdim ediləcək.
Xatırladaq ki, «PAŞA Həyat» 2013-cü ilin iyul ayından başlayaraq ölkədə fəaliyyət göstərən ali təhsil müəssisələrinin tələbələri üçün sığorta sahəsinə aid müxtəlif mövzularda ödənişsiz treninqlər keçirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
