Bakı. Zümrüd Paşayeva - APA. NATO Parlament Assambleyasının (PA) Vilnüsdə keçiriləcək yaz sessiyasında Rusiyanın Ukrayna ilə bağlı addımları pisləniləcək.
APA-nın "Ukrinform"a istinadən verdiyi məlumata görə, 30 may-1 iyun tarixlərində keçiriləcək sessiyada Rusiyanın Ukraynadakı sabitliyin pozulmasına yönəlik addımlarının pislənilməsi və Rusiyaya qarşı daha sərt sanksiyaların tətbiq edilməsi müzakirə olunacaq.
NATO PA-nın sessiyasında qəbul olunacaq bəyannamədə Ukraynanın ərazi bütövlüyünə dəstək yer alacaq.
Debatlarda baş katib Anders Foq Rasmussenin iştirak edəcəyi gözlənilir.