Bakı. Vahab Rzayev - APA-Economics. Azərbaycanın Qiymətli Kağızlar üzrə Dövlət Komitəsi tərəfindən “Xalq Kapital” MMC-nin müraciətinə əsasən broker və diler lisenziyalarının fəaliyyəti bərpa edilib.
Bu barədə “APA-Economics”ə Komitədən məlumat verilib.
Beləliklə, hazırda qiymətli kağızlar bazarında 15 broker fəaliyyəti, 14 diler fəaliyyəti və 2 qiymətli kağız sahiblərinin reyestrinin aparılması, 3 depozitar, 1 aktivlərin idarə olunması, 1 fond birjası və 2 klirinq üzrə peşəkar fəaliyyətə verilmiş xüsusi razılıqlar (lisenziyalar) qüvvədədir.