Bakı – APA. Ukraynanın Luqansk şəhərindəki teleradio binası silahlı separatçılardan dinc yolla azad edilib. APA-nın “censor.net” saytına istinadən verdiyi məlumata görə, bu barədə Ukrayna Daxili İşlər Nazirliyi açıqlama yayıb.
DİN-in açıqlamasında bildirilir ki, daha öncə Luqansk Vilayət Teleradio Şirkətinin binasına soxularaq Rusiya telekanallarının yayımının bərpasını tələb edən, “Kalaşnikov” avtomatı ilə silahlanmış 4 nəfər artıq binanı tərk edib. Onlar aparılan danışıqlardan sonra binadan çıxıblar.
Xatırladaq ki, daha əvvəl Luqansk vilayət Prokurorluğunun binası da dinc yolla separatçılardan azad edilmişdi. Hazırda bu şəhərdə separatçıların əlində iki bina qalır – Təhlükəsizlik Xidməti və vilayət dövlət administrasiyasının binaları.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
