Bakı-APA. Pakistan hakimiyyət orqanları əfqan taliblərinin liderlərindən biri olan molla Əbdül Qani Bəradərin həbsxanadan buraxılacağı barədə məlumat yayıb. APA-nın BBC-yə istinadən verdiyi məlumata görə, Bəradər sentyabrın 21-də azadlığa çıxacaq.
Pakistanın xarici siyasət idarəsi nümayəndəsinin sözlərinə görə, bu addım Əfqanıstanda barış prosesinə təkan verməlidir.
Qeyd edək ki, molla Bəradər 1994-cü ildə Əfqanıstanda “Taliban” hərəkatını yaradan 4 nəfərdən biridir. O 2010-cu ildə Kəraçidə həbs olunub.