Bakı-APA. Suriyanın paytaxtı Dəməşq şəhərinin xristianlar və druzların yaşadığı Caramana rayonunun minaatanlardan atəşə tutulması nəticəsində azı 20 nəfər ölüb, 23 nəfər isə yaralanıb. APA-nın “RİA Novosti”yə istinadən verdiyi xəbərə görə, bu barədə Suriyanın SANA dövlət agentliyi məlumat yayıb.
Yerli KİV-lərin məlumatına görə, mərmilərdən biri ticarət mərkəzinin yaxınlığında, daha bir mərmi isə şəhər xəstəxanasının yaxınlığında partlayıb.
Partlayışlar baş verən ərazidə yaxınlıqdakı binalara və avtomobillərə ciddi ziyan dəyib.
İnsidentin təfərrüatları açıqlanmır.