Bakı. Şəhriyar Əlizadə - APA. Sumqayıt Apellyasiya Məhkəməsində həbsdə olan sabiq nazir Nicat Quliyevin apellyasiya şikayəti əsasında məhkəmənin bu günə təyin olunmuş iclası təxirə salınıb.
Bu barədə APA-ya məlumat verən vəkil Əfqan Məmmədov bildirib ki, N.Quliyevin səhhətində problemlər var. Vəkil N.Quliyev məhkəməyə gətirilmədiyi üçün iclasın qeyri-müəyyən vaxtadək təxirə salındığını deyib.
Qeyd edək ki, Nicat Əmir oğlu Quliyev Cinayət Məcəlləsinin 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla) partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddəsində nəzərdə tutulan cinayəti törətməkdə şübhəli bilindiyinə görə, 2013-cü il avqustun 7-də tutulub. Abşeron Rayon Məhkəməsinin hökmü ilə N.Quliyev 3 il müddətinə azadlıqdan məhrum edilib.
N.Quliyev 1993-95-ci illərdə Azərbaycanın xarici iqtisadi əlaqələr naziri vəzifəsini müvəqqəti icra edib. Sonra Acarıstana gedib, 2004-cü ilədək prezident Aslan Abaşidzenin müşaviri postunda çalışıb. Bundan sonra Azərbaycana qayıdıb, Türkiyə və Azərbaycanda bizneslə məşğul olub.
N.Quliyev 2005-ci il oktyabrın 19-da da həbs edilib. Ona qarşı dövlət çevrilişinə cəhddə iştirak maddəsi ilə ittiham irəli sürülsə də, az sonra azadlığa buraxılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
