APA-nın Apasport.az saytına istinadən verdiyi xəbərə görə, gözəl oyunu ilə dünya çempionatının gizli favoriti qismində görülən Fransa bu gün Nigeriya ilə görüşüb. Bu komandalar tarixi ərzində cəmi 1 dəfə üz-üzə gəlib. Maraqlıdır ki, həmin matçda afrikalılar 1:0 hesabı ilə rəqibindən üstün olub.
Əslində Bosniya və Herseqovina kimi ulduzları olan komandanı qrupda saxlayan, Argentina ilə başa-baş oynayan Nigeriyadan Fransa qarşısında da sürpriz gözləməyə dəyərdi. Nigeriyalılar birinci hissədə aktiv və hətta adlı-sanlı rəqibdən bir qədər də üstün olublar. Amma Afrika təmsilçilri bu tempi sona qədər qoruya bilməyərək, ikinci hissədə üstünlüyü əldən veriblər. Nəticədə, Fransa 2 qol vuraraq, 1/4 finala keçib.
30 iyun
Fransa – Nigeriya - 2:0
Qollar: Poqba, 79; Yobo (avtoqol), 90+