Lənkəran. Ağəddin Babayev – APA. Azərbaycan Respublikasının Səfərbərlik və Hərbi Xidmətə Çağırış Üzrə Dövlət Xidmətinin rəisi, general-leytenant Arzu Rəhimov iyunun 19-da xidmətin Lənkəran rayon şöbəsinin inzibati binasında Astara, Lerik, Yardımlı və Lənkəran şəhər və rayon sakinlərinin vətəndaşlarını qəbul edib. APA-nın cənub bürosunun məlumatına görə, qəbulda 20-dək vətəndaş iştirak edib. Müraciətlərin əksər hissəsi hərbi xidmətə çağırılan övladlarının ailə vəziyyətləri ilə əlaqədar olaraq yaşadıqları əraziyə yaxın olan hərbi hissələrdə xidmət keçmələri, eləcə də təkrar tibbi müayinəyə cəlb edilmələri, xidmətin müvafiq şöbə və bölmələrində işə və ya həqiqi hərbi xidmətə qəbul, veteran adı və vəsiqəsinin verilməsi məsələlərində köməklik göstərilməsinə dair olub.
Qəbul zamanı irəli sürülən bəzi məsələlər yerindəcə həllini tapıb. Araşdırılması tələb olunan müraciətlər nəzarətə götürülüb və müvafiq araşdırmalardan sonra onlara cavab veriləcəyi bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
