Bakı. Ramiz Mikayıloğlu - APA. Nazirlər Kabineti “Azərbaycan Dövlət Teleqraf Agentliyinin (AzərTAc) Kollegiyasının təsdiq edilməsi haqqında” 2002-ci il 23 yanvar tarixli 16 nömrəli qərarında dəyişiklik edib.
APA-nın verdiyi məlumata görə, dəyişikliyə əsasən AzərTAc-ın Kollegiyasının yeni tərkibi təsdiqlənib.
AzərTAc-ın Kollegiyasının sədri AzərTAc-ın baş direktoru Aslan Aslanov, Kollegiyanın üzvləri AzərTAc baş direktorunun müavini Dağıbəyi İsmayılov, AzərTAc baş direktorunun müavini Sevinc Abdullayeva, AzərTAc-ın rus dilində informasiya baş redaksiyasının baş redaktoru Tamilla Nuriyeva, AzərTAc-ın Azərbaycan dilində informasiya baş redaksiyasının baş redaktoru Yaşar Quluzadə, AzərTAc-ın Fotoinformasiya baş redaksiyasının baş redaktoru Vüqar Əmrullayev, AzərTAc-ın Texniki İdarəsinin rəisi-baş mühəndis Cəvani Ağayevdir.
Kollegiyanın tərkibindən AzərTAc-ın Xarici dillərdə informasiya baş redaksiyasının baş redaktoru Nazim Xıdırov, gecə növbəsi üçün baş redaktor Teymurşah Xaspoladov çıxarılıb. Kollegiyaya yeni üzv təyin edilənlər AzərTAc-ın rus dilində informasiya baş redaksiyasının baş redaktoru Tamilla Nuriyeva, AzərTAc-ın Azərbaycan dilində informasiya baş redaksiyasının baş redaktoru Yaşar Quluzadədir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
