Bakı. Vahab Rzayev – APA-Economics. Bu gün «Akkord Sənaye Tikinti İnvestisiya Korporasiyası» ASC Bakı Fond Birjasında təmin edilməmiş, faizli adlı sənədsiz istiqraz emissiyasının yerləşdirilməsinə başlayıb. Birjadan «APA-Economics»ə verilən məlumata görə, istiqraz emissiyasının həcmi 50 mln. manat, bir istiqrazın nominal dəyəri 1 min manatdır.
İstiqrazların tədavül müddəti 1 095 gün, gəlirliyi illik 11,75% təşkil edir. Faizlərin rübdə bir dəfə ödənilməsi nəzərdə tutulur.
Xatırladaq ki, noyabrın 7-də «Akkord»un 2010-cu ildə 3 il müddətinə buraxdığı ilk istiqraz emissiyasının tədavülü sona çatıb və emissiyanın şərtlərinə uyğun olaraq buraxılan istiqrazların dəyəri tam ödənilib. İlk emissiyanın həcmi də 50 mln. manat, illik gəlirliyi isə 12,5%-ə bərabər olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
