Bakı. Yeganə Laçınzadə - APA-Economics. “Aqrobiznes” bank olmayan kredit təşkilatı (BOKT) dövlət qeydiyyatına alınıb. Bu barədə “APA-Economics”ə Vergilər Nazirliyindən məlumat verilib.
Bildirilir ki, BOKT-un təşkilati hüquqi forması məhdud məsuliyyətli cəmiyyətdir.
Təşkilatın nizamnamə kapitalı 300 min manat, qanuni təmsilçisi isə Mübariz Məmmədov və Fuad Ağayevdir.
BOKT cari ilin fevral ayının 29-da dövlət qeydiyyatına alınıb.
Qeyd edək ki, “Aqrobiznes” MMC-nin hüquqi ünvanı Bakı şəhəri, Yasamal rayonu, Mətbuat pr. Ev 35B, Məhəllə 3141-dir.