Xaçmaz. Vəli Turan – APA. Martın 28-də axşam saatlarında Xaçmaz rayonunda yanğın hadisəsi baş verib. APA-nın şimal bürosunun məlumatına görə, rayonun Hacılar kənd sakini, 1978-ci il təvəllüdlü Həmzə Əliyevə məxsus ümumi sahəsi 80 kvadrat metr olan tövlənin yanar konstruksiyaları və həyətyanı sahəyə yığılan 600 kq ot bağlaması yanıb.
Yanğının söndürülməsinə Xaçmaz Yanğından Mühafizə Hissəsinin 2 yanğınsöndürən maşını cəlb olunub. Yanğının yayılmasının qarşısı alınıb.
Faktla bağlı araşdırma aparılır.
Samux rayonunda isə yaşayış evində yanğın olub. APA-nın FHN-in saytına istinadən verdiyi məlumata görə, rayonun Poylu kəndində vətəndaşa məxsus, ümumi sahəsi 96 kv.m olan birmərtəbəli 3 otaqlı evin 2 otağının yanar konstruksiyaları 48 kv.m sahədə yanıb.
Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
