Bakı. Məlahət Nəcəfova - APA. “Ermənistanın üzərinə düşən beynəlxalq hüquqi məsuliyyətlə yanaşı, mənəvi məsuliyyət də var ki, əsirlərin və girovların qaytarılmasında əməkdaşlıq etsin”.
APA-nın məlumatına görə, bunu Xarici İşlər Nazirliyinin mətbuat katibi Hikmət Hacıyev deyib.
Onun sözlərinə görə, Azərbaycan və Ermənistan prezidentləri Fransa prezidenti Franua Ollandın təşəbbüsü ilə Parisdə keçirilən görüşdə əsir və girovların mübadiləsi sahəsində əməkdaşlığa dair razılığa gəliblər: “Bu təklif Azərbaycan tərəfindən müsbət qarşılanıb, bu sahədə əməkdaşlığa hazır olduğumuz bildirmişik. Azərbaycandan 4 mindən çox şəxs əsir və itkin düşmüş hesab olunur. Onların taleyinə görə Ermənistan məsuliyyət daşıyır. Ermənistan humanizm nöqteyi-nəzərdən çıxış edərək bu şəxslərin həyatına aydınlıq gətirməlidir. Ermənistan təəssüf ki, bu sahədə də qeyi-konstruktivlik nümayiş edir. Araşdırmalar göstərir, azərbaycanlılar kütləvi şəkildə qətlə yetiriliblər və kütləvi məzarlıqlar mövcuddur. Onların DNT analizi keçirilməlidir. Azərbaycanda ailələr var ki övladlarının, yaxınlarının taleyi barədə məlumat gözləyir. Təəsüf ki, Ermənistan bu məsələdə də destruktivlik nümayiş etdirir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
