İran Xarici İşlər Nazirliyinin sözçüsü İtaliyanın ABŞ-İsrail müharibəsində rolunun yalnız “texniki və dəstək xidmətləri” ilə məhdudlaşdığı barədə iddiasını rədd edib və bunu qanunsuz müharibədə birbaşa və açıq iştirak kimi qiymətləndirib.
Mehrnews İtaliya rəsmilərinin ölkələrinin bu müharibədə iştirakını yalnız “texniki və dəstək” yardımı kimi təqdim etməsinə və hər hansı əməkdaşlığı inkar etməsinə cavab verən İsmayıl Bəqayi sosial şəbəkədə yazıb ki, bu, böyük beynəlxalq hüquq pozuntusunda şəriklik məsuliyyətindən yayınmağa yönəlmiş açıq ziddiyyətdir.
Bəqayi bildirib ki, təcavüzkarlara hər hansı yardım və dəstəyi açıq şəkildə inkar etmək, eyni zamanda İrana qarşı qanunsuz Amerika-İsrail təcavüz müharibəsini mümkün edən və asanlaşdıran “texniki və logistika” dəstəyini etiraf etmək ciddi ziddiyyətdir.
O, həmçinin vurğulayıb ki, təcavüzkarlara “texniki və logistika” dəstəyi göstərmək qanunsuz seçim müharibəsinin törədilməsinə açıq və birbaşa töhfədən başqa bir şey deyil. Bəqayinin sözlərinə görə, bu, açıq təcavüz aktı və beynəlxalq hüququn ciddi şəkildə pozulmasıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
