Göygöl. Azər Məmmədli - APA. Dünən Göygöl rayonunda dostunu bıçaqlayan şəxs saxlanılıb.
Göygöl Rayon Polis İdarəsindən APA-nın qərb bürosuna verilən məlumata görə, ötən gün rayonun Mollacəlilli kənd sakini, 31 yaşlı İslam Kərimov dostu, 33 yaşlı Natiq Həsənovu bıçaqlayıb.
Yaralı qarının, sol gicgahın və qoltuqaltı nahiyənin kəsilmiş deşilmiş yarası diaqnozu ilə Gəncə şəhər Təcili Tibbi Yardım xəstəxanasına yerləşdirilib. Onun vəziyyətinin orta ağır olduğu bildirilir.
Keçirilən əməliyyat tədbirləri nəticəsində cinayəti törədən İslam Kərimov bu gün saxlanılaraq istintaqa təhvil verilib.
Faktla bağlı Göygöl rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
