Bakı. Ülkər Bəkirli-APA. Əlverişsiz hava şəraiti səbəbindən səhər saatlarında Moskvanın Şeremetyevo hava limanında 30 təyyarə eniş edə bilməyib.
APA-nın “TASS”a istinadən verdiyi məlumata görə, dumanlı hava səbəbindən eniş edə bilməyən təyyarələr ehtiyat hava limanına istiqamətləndirilib. Rusiyanın Federal Hava Nəqliyyatı Agentliyindən bildirilib ki, günorta saatlarında duman çəkilib. Paytaxtın bütün hava limanları normal rejimdə fəaliyyət göstərir.