Bakı. Türbət Bağırova-APA. “Britaniya əhalisi Avropa İttifaqından ayrılmağa səs verdi və vətəndaşların iradəsinə hörmət edilməlidir”.
APA-nın xəbərinə görə, bu barədə Devid Kemeronun Böyük Britaniyada dünən keçirilən referendumun nəticələri ilə bağlı bəyanatında deyilir.
D. Kemeron kampaniya boyunca onu dəstəkləyənlərə təşəkkür edib, “Brexit” tərəfdarlarını isə təbrik edib.
“Britaniya əhalisinin iradəsi həyata keçirilməli olan bir təlimatdır. Bu qərar qeyri-ciddi formada qəbul edilməyib. Çünki bu qərarın əhəmiyyəti barədə çoxlu sayda müxtəlif təşkilatlar fikir bildirib. Ona görə də nəticələrlə bağlı heç bir şübhə ola bilməz. Bütün dünyada insanlar Britaniyanın etdiyi seçimi izləyir. Mən bazarları və investorları bir daha əmin etmək istəyirəm ki, Britaniya iqtisadiyatı fundamental olaraq güclüdür. Mən, həmçinin, Avropa ölkələrində yaşayan britaniyalıları və burada yaşayan Avropa ölkələrinin vətəndaşlarını əmin etmək etmək istəyirəm ki, onların durumunda birbaşa dəyişikliklər olmayacaq. İnsanlarımızın səyahət etmələrində,mal və xidmətlərin hərəkəti ilə bağlı ilkin dəyişiklik olmayacaq”, - deyə Kemeronun bəyanatında vurğulanıb.
Bəyanatda, həmçinin, qeyd edilib ki, Böyük Britaniya indi Avropa İttifaqı ilə dialoqa hazır olmalıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
