Sosial

Ana səhifə

Sosial

Prezident İlham Əliyev “Baku Sport City”, Su İdmanı Sarayı və Dövlət Bayrağı Meydanında aparılan inşaat işlərinin gedişi ilə tanış olub - VİDEO

Prezident İlham Əliyev “Baku Sport City”, Su İdmanı Sarayı və Dövlət Bayrağı Meydanında aparılan inşaat işlərinin gedişi ilə tanış olub - <span style="color: red;">VİDEO

23 dekabr 2014 13:16 (UTC +04:00)

Bakı – APA. Azərbaycan prezidenti İlham Əliyev və Azərbaycanın birinci xanımı, “Bakı 2015” Avropa Oyunlarının Təşkilat Komitəsinin sədri Mehriban Əliyeva ailə üzvləri ilə birlikdə “Baku Sport City”də, Su İdmanı Sarayında və Dövlət Bayrağı Meydanının ərazisində həyata keçirilən inşaat işlərinin gedişi ilə tanış olublar.

APA-nın məlumatına görə, “Baku Sport City”də həyata keçirilən inşaat işlərinin gedişi ilə tanışlıqdan sonra prezident İlham Əliyev və xanımı Mehriban Əliyeva Dövlət Bayrağı Meydanı ərazisinə gəliblər.

İ. Əliyev və xanımı M. Əliyeva meydanın ətrafında yaradılan yeni mədəniyyət və incəsənət obyektləri, o cümlədən sərgi salonlarında aparılan tikinti işlərinə baxdılar, ictimai yerlər və xiyabanlar, insanların rahatlığı və istirahəti üçün yaradılan gəzinti yerlərində yenidənqurma və təmir işlərinin gedişi ilə tanış olublar. Onlar həmçinin Dövlət Bayrağı Meydanı ərazisində həyata keçirilən işlərlə yaxından tanış olublar.

Dövlət başçısı görülən işlərlə bağlı müvafiq tapşırıqlarını verib.