Binəqədi rayon Polis İdarəsindən APA-ya verilən məlumata görə, hadisəyə qan düşmənçiliyi səbəb olub.
Belə ki, iki ay əvvəl hadisəni törədən Hicran Səfərovun oğlu insident zamanı yaralanan Ayxan Savalanlı tərəfindən bıçaqlanıb. A. Savalanlı azyaşlı olduğu üçün o həbs edilməyib. H. Səfərov isə oğlunun intiqamını almaq məqsədi ilə qanuni ov tüfəngi alıb və qisas məqsədi ilə Rövşən Əliyevi və onun oğlu A. Savalanlını güllələyib.
***
10.43
Bakı. Fuad Cəfərov - APA. Bakıda silahlı insident baş verib.
Binəqədi Rayon Polis İdarəsindən APA-ya verilən məlumata görə, hadisə Dərnəgül qəsəbəsində, məcburi köçkünlərin məskunlaşdığı yataqxanada qeydə alınıb.
Ağdam rayonundan məcburi köçkün düşən 1973-cü il təvəllüdlü Hicran İbrahim oğlu Səfərov aralarında yaranan münaqişə zəminində özünə məxsus ov tüfəngi ilə həmyerlisi 1958-ci il təvəllüdlü Rövşən Savalan oğlu Əliyevə və onun oğlu 1998-ci il təvəllüdlü Ayxan Savalanlıya atəş açıb.
Silahlı insident zamanı xəsarət alan ata və oğlu müxtəlif bədən xəsarətləri ilə Klinik Tibbi Mərkəzə yerləşdirilib.
Hadisəni törədən H. Səfərov tutulub.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
