Bakı. Şəhriyar Əlizadə - APA. Bakıda polis bölməsinin rəisini bıçaqlamaqda və digər cinayətlərdə təqsirləndirilən şəxslər barələrində olan hökmdən apellyasiya şikayəti veriblər.
APA-nın məlumatına görə, onlar şikayətlərində cəzalarının azaldılmasını istəyiblər. Apellyasiya şikayəti üzrə məhkəmə prosesinin ilkin baxış iclası iyunun 22-nə təyin edilib. Prosesə hakim Camal Ramazanov sədrlik edəcək.
Qeyd edək ki, Bakı Ağır Cinayətlər Məhkəməsinin hökmü ilə Ələkbər Qəhrəmanov 9 il, Ceyhun Nifətliyev 6 il 6 ay, Anar Əliyev və Nurlan Həsənov 6 il müddətinə azadlıqdan məhrum edilib.
Onlar Binəqədi rayon 5-ci polis bölməsinin rəisi Anar Şıxəliyevə qarşı xuliqanlıq cinayəti törətməkdə və onu bıçaqlamaqda ittiham olunublar.